Навіны 1 класс
У 2019/2020 навучальным годзе арганізацыя адукацыйнага працэсу будзе здзяйсняцца па чвэрцях у наступныя тэрміны:
першая чвэрць – з 2 верасня 2019 г. па 31 кастрычніка 2019 г.
другая – з 11 лістапада 2019 г. па 24 снежня 2019 г.
трэцяя – з 13 студзеня 2020 г. па 28 сакавіка 2020 г.
чацвёртая – з 6 красавіка 2020 г. па 30 мая 2020 г.
На працягу навучальнага года ўстанаўліваюцца канікулы:
восеньскія – 9 дзён з 01 лістапада 2019 г. па 9 лістапада 2019 г. уключна
зімовыя – 17 дзён з 26 снежня 2019 г. па 11 студзеня 2020 г. уключна
вясновыя – 6 дзён з 30 сакавіка 2020 г. па 4 красавіка 2020 г. уключна
летнія – 92 дні з 1 чэрвеня 2020 г. па 31 жніўня 2020 г.; для навучэнцаў, якія завяршылі навучанне на II ступені агульнай сярэдняй адукацыі, – 82 дні з 11 чэрвеня 2020 г. па 31 жніўня 2020 г. уключна.
Для навучэнцаў I – II класаў у ІІІ чвэрці праводзяцца дадатковыя зімовыя канікулы з 17 лютага 2020 г. па 23 лютага 2020 г. працягласцю 7 дзён.
У нашай краіне штогод 1 верасня адзначаецца свята Дзень ведаў. Сваю назву ён атрымаў дзякуючы таму, што з'яўляецца першым днём восені, калі пачынаецца новы навучальны год ва ўсіх беларускіх школах.
2 верасня ў нашай школе прайшла ўрачыстая лінейка, прысвечаная Дню ведаў. Пачатак новага навучальнага года абвясціў школьны званок.
Дзень ведаў - гэта свята для ўсіх навучэнцаў, іх бацькоў і настаўнікаў, а таксама ўсіх тых людзей, якія хоць неяк звязаны з абслугоўваннем школьнікаў.
Але традыцыйна больш за ўсё яму радуюцца тыя, хто ў гэты дзень упершыню ідзе ў школу. Можна сказаць, што 1 верасня для першакласнікаў пачынаецца зусім новае жыццё. Гэты дзень з'яўляецца для іх вельмі хвалюючым і запамінальным. У гэтым навучальным годзе нашу школьную сям'ю папоўнілі 3 вучні 1 класа. Іх сустракалі шчырымі словамі, моцнымі апладысментамі і шматлікімі падарункамі.